Protesta e studentëve në Tiranë vijon, ndërsa protestuesit janë shpërndarë në disa rrugë të kryeqytetit.
Sipas informacioneve paraprake, lëvizja e protestuesve në drejtime të ndryshme ka ndikuar në qarkullimin rrugor, me trafik të krijuar në disa zona të kryeqytetit.
Ndërkohë, efektivët e Policisë së Shtetit janë në lëvizje, duke ndjekur lëvizjet e protestuesve dhe duke monitoruar situatën në terren.
Protesta vijon në një kohë kur tensionet në Tiranë mbeten të pranishme, ndërsa ende nuk ka të dhëna të konfirmuara për ecurinë e mëtejshme të tubimit dhe situatën e qarkullimit në të gjitha akset e prekura.
