Për ditën e mërkurë, vendi ynë do të vijojë të jetë nën ndikimin e masave ajrore relativisht të qëndrueshme, duke sjellë mot kryesisht të kthjellët, me vranësira që do të zhvillohen gjatë orëve të mesditës.
Përgjatë relieveve malore, vranësirat do të shoqërohen me reshje të izoluara shiu me intensitet të ulët.
Era do të fryjë kryesisht nga kuadrati i jugut, me shpejtësi mesatare deri në 7 m/s, ndërsa herë pas here pritet të fitojë shpejtësi deri në 10 m/s. Në det, valëzimi do të jetë i forcës 1–3 ballë.
Temperaturat minimale do të shënohen në Kukës dhe Peshkopi me 32°C, ndërsa në Elbasan, Fier, Gjirokastër dhe Tiranë temperaturat maksimale do të arrijnë në 35°C. Në Durrës, Shkodër dhe Berat, temperaturat do të shkojnë deri në 34°C.
