Policia e Tiranës ka finalizuar fazën e dytë të operacionit “Last post” dhe ka vënë në pranga tre shtetase të huaja (vietnameze dhe braziliane) për veprën penale të prostitucionit. Këto shtetase, sipas policisë, reklamonin në rrjete sociale prostitucionin e ushtruar në apartamente të marra me qira.
Në pranga ka rënë edhe një shtetas shqiptar, i cili shfrytëzonte për këtë veprimtari, njërën prej shtetaseve vietnameze të arrestuara.
Gjatë kësaj faze u arrestuan shtetasit:
-I. L., 25 vjeçe, shtetase braziliane, dhe U. L., 42 vjeçe, shtetase vietnameze, pasi dyshohet se kishin përshtatur apartamente të marra me qira ditore, për ushtrim të prostitucionit, në rrugët “Xhoxhi Martini” dhe “Milan Shuflaj”;
-E. H., 35 vjeç dhe Th. H., 37 vjeçe, shtetase vietnameze, pasi dyshohet se 35-vjeçari shfrytëzonte 37-vjeçaren, për ushtrim të prostitucionit në një apartament të marrë me qira ditore, në rrugën “Him Kolli”.
Lexo gjithashtu
Më tej, u referuan materialet në Prokurori, ku nisi procedimi në gjendje të lirë për një shtetas, përfitues nga kjo veprimtari e kundërligjshme.
Materialet procedurale iu referuan Prokurorisë, për veprime të mëtejshme.
