Kryeministri Edi Rama ka ngritur shqetësime për ndërhyrje të huaja në protestat e zhvilluara në Tiranë, duke përmendur Rusinë dhe Iranin si pjesë të asaj që e cilësoi një sulm të mirëkoordinuar ndaj Shqipërisë.
Sipas Ramës, krahas pakënaqësive të qytetarëve, në protestat dhe debatet publike po veprojnë edhe struktura të ndikimit të jashtëm. Ai përmendi gjithashtu aktivitetin në internet, duke pretenduar se mijëra profile të lidhura me Iranin janë aktivizuar për të ndikuar në debatet që lidhen me Shqipërinë.
“Rusia nuk është partnere e Shqipërisë, Rusia nuk është një vend që e do Shqipërinë një vend më të mirë, që e do Shqipërinë një vend stabël dhe që e do Shqipërinë në BE”, deklaroi kryeministri.
Rama u shpreh se nuk e konsideron rastësi mbështetjen që, sipas tij, i është dhënë protestave nga qarqe të lidhura me ndikimin rus. Ai iu referua edhe deklaratave të një figure ruse, e cila, sipas kryeministrit, ka përshëndetur shqiptarët që kundërshtojnë rendin demokratik europian.
Kryeministri përmendi edhe aktivitetin e profileve që, sipas tij, vijnë nga Irani, duke e cilësuar atë si pjesë të një përpjekjeje për të ndikuar në debatet publike në Shqipëri.
Lexo gjithashtu
Rama: Rusia nuk është partnere e Shqipërisë, Rusia nuk është një vend që e do Shqipërinë një vend më të mirë, që e do Shqipërinë një vend stabël dhe që e do Shqipërinë në BE.
Nuk është rastësi që babai ideologjik i Vladimir Vladimirovicit në Kremlin del dhe përshëndet kombin shqiptar, përshëndet kombin shqiptar të ortodoksëve që po tregojnë kush janë dhe po i kundërvihen rendit demokrat evropian. Nuk është rastësi. Ne e dimë që ditën e parë që u shfaqen flamingohet, ashtu si shumë qytetari i solli dallga e pakënaqësisë, ishte edhe dallga e influencës ruse.
Ashtu sikundër u vunë në lëvizje me mijëra profile edhe nga republika terroriste e Iranit për të mbrojtur natyrën në Shqipëri. Si mund të jenë këto rastësisra. Nuk ka rastësi. Këtu Shqipëria është bërë pjesë e shënjestrave të një sulmi të mirë-koordinuar nga një forcë e vjetër, që nga presidenti i SHBA është shpallur organizatën terroriste.
