Gjykata e Apelit ka njoftuar largimin e personelit nga ambientet e institucionit, në kuadër të masave të marra për shkak të situatës së krijuar nga protestat në Tiranë.
Gjithashtu, është vendosur që deri në një njoftim të mëtejshëm të shqyrtohen vetëm çështjet që lidhen me masat e sigurimit personal.
Për garantimin e sigurisë, është kërkuar edhe angazhimi i forcave shtesë të Policisë për ruajtjen e godinës, për shkak të afërsisë së saj me Parlamentin dhe zhvillimeve të fundit gjatë protestave.
Për situatën do të vihet në dijeni edhe Këshilli i Lartë Gjyqësor (KLGJ), ndërsa priten informacione të mëtejshme mbi masat e marra për garantimin e sigurisë dhe vijimin e punës në institucion.
