Protesta e sotme para Kuvendit e shoqëruar me tensione e përplasje të vazhdueshme mes protestuesve dhe policisë ka sjellë edhe shoqërimet e para në komisariat. Mësohet se 8 persona janë të shoqëruar nga policia në komisariatin Nr.1 pas incidenteve të regjistruara në protestë.
Herë pas herë ka pasur përplasje dhe shtyrje me policinë nga ana e protestuesve të PD dhe deputetëve demokratë, ndërsa efektivët kanë reaguar duke përdorur spraj me piper në drejtim të tyre.
Ndërkohë edhe nga krahu tjetër i hyrjes së Parlamentit, ku gjendet një qendër tregtare ka pasur përplasje të herëpashershme me policinë në drejtim të të cilës janë hedhur tymuese.
