Protesta e studentëve në kryeqytet është përshkallëzuar, duke u shoqëruar me përplasje mes protestuesve dhe forcave të Policisë pranë Parlamentit të Shqipërisë.
Disa prej protestuesve kanë hedhur gurë në drejtim të efektivëve, ndërsa Policia ka ndërhyrë në përpjekje për të kontrolluar situatën dhe për të menaxhuar tensionet në zonë.
Incidentet janë regjistruar në ditën e tretë të protestës studentore, e cila ka vijuar me pjesëmarrjen e studentëve dhe gjimnazistëve, të cilët kanë bojkotuar mësimin për t’iu bashkuar tubimit.
Situata para Parlamentit dhe në zonat përreth vijon të jetë e tensionuar, ndërsa mbetet për t’u parë se si do të zhvillohet protesta dhe nëse do të ketë incidente të tjera.
