Një situatë shqetësuese raportohet të jetë regjistruar pas protestës studentore në Tiranë, ku disa të rinj dyshohet se janë shoqëruar në ambientet e një komisariati policie.
Sipas raportimeve dhe pamjeve që po qarkullojnë, ambientet e komisariatit janë mbushur me persona të shoqëruar, ndërsa në disa prej pamjeve pretendohet se shihen të rinj të shtrirë në kushte aspak njerëzore.
Megjithatë, deri më tani nuk ka të dhëna të konfirmuara zyrtarisht për numrin e personave të shoqëruar, gjendjen e tyre shëndetësore apo rrethanat në të cilat janë krijuar pamjet.
Pretendimet për ushtrim dhune ndaj të rinjve mbeten ende të paverifikuara, ndërsa pritet një reagim nga autoritetet për të sqaruar situatën dhe për të dhënë më shumë informacion mbi atë që ka ndodhur pas protestës.
Ngjarja ka ngritur pikëpyetje mbi trajtimin e personave të shoqëruar nga policia, ndërsa priten detaje të tjera që mund të hedhin dritë mbi zhvillimet e mbrëmjes në kryeqytet.
Lexo gjithashtu
Pamjet janë publikuar nga Kryetari i Grupit Parlamentar të Partisë Demokratike, Gazment Bardhi.
