FIFA ka zyrtarizuar renditjen e re botërore të kombëtareve pas ndeshjeve të fundit ndërkombëtare. Shqipëria ka regjistruar një përmirësim në renditje, duke u ngjitur me një pozicion dhe tashmë pozicionohet në vendin e 66-të në botë.
Ndërkohë, Kosova ka arritur një pozicion historik. “Dardanët” janë ngjitur me dy vende, duke u pozicionuar në vendin e 76-të, që përbën renditjen më të mirë të Kosovës në historinë e saj. Ky pozicion vjen pas rezultateve të fundit të kombëtares kosovare, e cila vijon të përmirësojë pozitën e saj në klasifikimin botëror.
Në krye të renditjes vazhdon të jetë Spanja, e cila ruan vendin e parë dhe vijon serinë e rezultateve pozitive.
