Cristiano Ronaldo vazhdon të shkruajë histori! Ylli portugez ishte protagonist në fitoren spektakolare të Al Nassr, që mposhti 5-3 Al Kholood në kampionatin saudit, në një përballje të mbushur me gola dhe emocione.
Kapiteni i Al Nassr realizoi një tregolësh, duke udhëhequr skuadrën e tij drejt tri pikëve të rëndësishme.
Por përtej fitores, kjo mbrëmje ka një domethënie të veçantë për portugezin, i cili po i afrohet gjithnjë e më shumë një prej objektivave më të jashtëzakonshëm të karrierës së tij.
Me tre golat e shënuar ndaj Al Kholood, Ronaldo e çon në 985 numrin e golave në karrierë, duke pasur tashmë vetëm 15 gola të tjerë për të arritur shifrën historike të 1,000 golave.
