Një alarm për rrëmbim ka shkaktuar panik në një fluturim të Flydubai me 180 pasagjerë që udhëtonte nga Dubai drejt Tel Avivit, pasi avioni transmetoi sinjalin ndërkombëtar të rrëmbimit dhe ndryshoi kurs. Më pas u mësua se incidenti ishte shkaktuar nga një sherr mes pilotëve.
Një grindje, jo një rrëmbim avioni, siç u dërgua sinjali, shkaktoi alarm të mërkurën në mëngjes për autoritetet izraelite në një fluturim të kompanisë Fludybai që transportonte 180 pasagjerë nga Dubai në Tel Aviv.Mediat izraelite raportuan se alarmi u aktivizua gjatë një grindjeje midis pilotëve.
The Times of Israel fillimisht raportoi se fluturimi fillimisht transmetoi kodin “squawk 7700”, një sinjal ndërkombëtar emergjence, ndërsa pak më vonë, transmetoi kodin 7500, që do të thotë rrëmbim avioni ose ndërhyrje e paligjshme.
Avioni në momentin që sinjalizoi problematikën ndodhej në procesin e zbritjes manuale dhe ndryshimit të kursit, gjë që shkaktoi alarm tek autoritetet izraelite. Fluturimi i Flydubai u nis nga Dubai, Emiratet e Bashkuara Arabe, në orën 07:05 të mëngjesit dhe ishte planifikuar të ulej në Aeroportin Ben Gurion, Tel Aviv, afërsisht në orën 09:30.Megjithatë, pas rreth një ore e gjysmë fluturimi, ndërsa hynte në hapësirën ajrore jordaneze, avioni fillimisht transmetoi kodin 7700, kodin ndërkombëtar të emergjencës. Më pas transmetoi kodin 7500, i cili përdoret për të treguar një rrëmbim të mundshëm.Në të njëjtën kohë, avioni ndryshoi kurs, u kthye në hapësirën ajrore të Arabisë Saudite dhe filloi të fluturonte në një lartësi më të ulët mbi vend.
Pasi fillimisht u zhvendos në jug, më pas ndryshoi drejtim në perëndim, duke mbetur brenda hapësirës ajrore saudite. Vërehet se vendndodhja e tij e fundit ishte në një lartësi prej 5,000 metrash pranë Aeroportit Tabuk në Arabinë Saudite, ndërsa ishte afërsisht 1.5 orë larg mbërritjes së tij të planifikuar në Izrael.
Lexo gjithashtu
Burime sigurie të cituara nga e njëjta media raportuan se avionët luftarakë të Forcave Ajrore Izraelite u ngritën dhe shoqëruan avionin teksa ai u ul në mënyrë të sigurt pak pas orës 10:00 të mëngjesit në Arabinë Saudite.
