Një 38-vjeçar është arrestuar pas deportimit nga Greqia, pasi ndaj tij ishte caktuar masa e sigurisë “Arrest në burg” për veprën penale “Vrasja për shkak të marrëdhënieve familjare”.
Sipas Policisë, ai akuzohet se në mars të vitit 2022 ushtroi dhunë fizike ndaj bashkëshortes së tij, e cila ndërroi jetë 10 ditë më vonë, si pasojë e dëmtimeve të marra.
Sipas njoftimit zyrtar, specialistët për Hetimin e Krimeve ndaj Personit në Drejtorinë Vendore të Policisë Durrës ekzekutuan masën e sigurisë “Arrest në burg” ndaj shtetasit F. H., 38 vjeç, banues në Manzë.
Masa ishte caktuar nga Gjykata e Shkallës së Parë e Juridiksionit të Përgjithshëm Durrës më 31 mars 2022.
Policia bën të ditur se 38-vjeçari dyshohet se më 18 mars 2022 ushtroi dhunë fizike ndaj bashkëshortes, e cila humbi jetën pas 10 ditësh për shkak të dëmtimeve.
