Policia ka shoqëruar 12 aktivistë pas incidentit të regjistruar në Manëz, ku automjeti i kryeministrit Edi Rama u qëllua me vezë, teksa ai po udhëtonte drejt Gjirit të Lalzit për të marrë pjesë në mbledhjen e Asamblesë Kombëtare të Partisë Socialiste.
Gjatë incidentit, protestuesit hodhën vezë në drejtim të makinës së kryeministrit dhe lëshuan thirrje kundër tij, mes të cilave “Rama burg, Berisha burg” dhe “Ju erdhi fundi!”.
Pas ngjarjes, forcat e policisë ndërhynë dhe shoqëruan 12 aktivistët në komisariat.