Një 45-vjeçar ka humbur jetën pasi është goditur nga rryma elektrike gjatë punës në nënstacionin elektrik të fshatit Kocul, në Vlorë.
Viktima është identifikuar si Altin Petanaj, rreth 45 vjeç, punonjës i grupit të Drejtorisë së Tensionit të Lartë.
Ngjarja ka ndodhur teksa grupi i punonjësve po kryente punime riparimi në nënstacionin elektrik. Gjatë ndërhyrjes, Petanaj është goditur nga rryma elektrike dhe ka humbur jetën.
Në vendngjarje kanë mbërritur shërbimet e Policisë, të cilat kanë nisur hetimet për të përcaktuar rrethanat dhe shkaqet e aksidentit në punë.
