Sapo ka nisur seanca parlamentare, deputetët e opozitës nuk kanë lejuar zhvillimin e punimeve normale në Kuvend duke bllokuar foltoren.
Pavarësisht thirrjeve të kryeparlamentarit Peleshi, deputetët e PD nuk janë tërhequr duke shprehur revoltën e tyre si një akt në mbështetje të protestës në rrugë.
Në këto kushte kryetari i grupit të PS Taulant Balla ka kërkuar kalimin direkt në votim të projektligjeve të ditës duke anashkaluar diskutimet.
Me votën e socialistëve është pranuar propozimi i Ballës dhe në Kuvend ka nisur votimi.
Sakaq deputetët e opozitës kanë ndezur disa flakadanë në Parlament, gjë e cila ka sjellë përjashtimin e disa deputetëve nga seanca nga ana e kreut të Kuvendit.
