Pedagogët kanë marshuar nga Universiteti Politeknik i Tiranës drejt një qendre tregtare pranë Kuvendit, ku po zhvillohej seanca plenare.
Gjatë protestës, ata janë përballur me gardhin metalik të vendosur nga policia, të cilin më pas e kanë shembur. Pas tij, protestuesit janë përballur me forcat e Ndërhyrjes së Shpejtë (FNSH), të vendosura pak metra më tej.
Seanca plenare tashmë ka përfunduar, ndërsa në zonën ku ndodhen protestuesit është vendosur edhe një autobot me ujë.
Sipas raportimit, policia i ka paralajmëruar disa herë protestuesit përmes megafonit, ndërsa situata vijon të mbetet e tensionuar.
