Një tjetër person raportohet i lënduar gjatë protestës që vijon me akte të forta dhune në Tiranë.
I riu është transportuar në Spitalin e Traumës, ku pritet të marrë ndihmën e nevojshme mjekësore. Sipas informacioneve paraprake, ai është parë i vetëdijshëm në momentin e transportimit.
Ndërkohë, raportohet se është plagosur edhe një tjetër efektiv policie. Sipas informacioneve nga terreni, punonjësi i policisë po transportohet drejt spitalit me automjet, dhe jo me ambulancë.
Situata vijon të mbetet e tensionuar, me përdorimin e gurëve dhe sendeve të ndryshme.
