Një incident me armë zjarri është regjistruar mbrëmjen e kësaj të enjteje në zonën e Shkozës, në Tiranë, ku një 42-vjeçar dyshohet se ka mbetur i plagosur.
Sipas raportimeve paraprake, i plagosuri është transportuar drejt Spitalit të Traumës për të marrë ndihmën e nevojshme mjekësore.
Mësohet se ai ka marrë një plagë në kofshë.
Deri më tani, nuk ka informacion të plotë mbi rrethanat në të cilat ka ndodhur ngjarja, ndërsa mbeten të paqarta edhe shkaqet që çuan në përdorimin e armës së zjarrit.
Pritet që Policia të dalë me një njoftim zyrtar për rastin, ndërsa vijojnë përpjekjet për të zbardhur dinamikën e ngjarjes dhe për të identifikuar personat e përfshirë.
