58 personat e shoqëruar nga Policia gjatë protestave në kryeqytet dalin sot para Gjykatës së Tiranës, ku do të shqyrtohet masa e sigurisë ndaj tyre.
Sipas raportimeve, gjyqtari Sokol Shehu ka vendosur masën e sigurisë “detyrim paraqitjeje” për 22 prej tyre, duke urdhëruar lirimin e menjëhershëm. Për personat e tjerë pritet të shqyrtohet masa përkatëse e sigurisë.
Gjatë shtatë ditëve të protestave janë arrestuar gjithsej 271 persona, kryesisht nën dyshimet për shkatërrim të pronës publike dhe kundërshtim me dhunë të punonjësve të Policisë së Shtetit.
Shqyrtimi gjyqësor për 58 personat e shoqëruar vijon, ndërsa pritet të mësohet vendimi për pjesën tjetër të tyre.
