Presidenti amerikan, Donald Trump përmes një ceremonie të veçantë i ka ndarë drejtorit ekzekutiv të SpaceX, Elon Musk, Medaljen Kombëtare të Shkencës. Ky është një nga vlerësimet më prestigjioze në Shtetet e Bashkuara, duke e cilësuar atë si “Thomas Edison të kohëve moderne”.
Ceremonia u mbajt të enjten në Institutin e Paqes në Washington, ku u nderuan edhe disa figura të tjera të rëndësishme të teknologjisë: bashkëthemeluesi i Google, Sergey Brin, drejtori ekzekutiv i Nvidia-s, Jensen Huang, si dhe drejtuesja e AMD-së, Lisa Su.
“Dua t’i falënderoj të gjithë që janë këtu për të festuar përparimin emocionues të shkencës dhe teknologjisë në epokën e artë të Amerikës”, tha Trump në fjalën e tij hyrëse, përpara se t’i kushtonte vëmendje të veçantë Musk-ut.
Presidenti e përshkroi atë si një “gjigant industrial”, duke deklaruar se pak amerikanë në histori kanë bërë më shumë për të çuar përpara interesat kombëtare të vendit.
“Gjenialiteti dhe vendosmëria e tij e kanë shndërruar fantashkencën në realitet”, tha Trump, përpara se ta përgëzonte Musk-un dhe ta cilësonte mikun e tij si një person “shumë, shumë të veçantë”.
Lexo gjithashtu
Elon Musk received the National Medal of Science from Trump, the top U.S. honor for scientific and technological achievement.
— Open Source Intel (@Osint613) October 8, 2026
pic.twitter.com/WXzptOuscN
