Kryepeshkopi Joan, në një mesazh për protestat në vend, u ka bërë thirrje të gjithë personave që kanë përgjegjësi vendimmarrëse të veprojnë me urtësi dhe pjekuri, në shërbim të Shqipërisë.
Në përfundim të Liturgjisë Hyjnore të ditës së sotme, ai u lut që Zoti të ndriçojë mendjet e vendimmarrësve për të marrë vendimet e duhura, duke theksuar se vendi u përket të gjithë qytetarëve.
“Lutemi që Perëndia t’i ndriçojë të gjithë ata që kanë përgjegjësinë e vendimeve, të marrin vendime të urta dhe të pjekura në shërbim të të gjithë vendit. Sepse Shqipëria është e të gjithëve. Të gjithë ata që banojnë këtu janë pjesë e saj dhe të gjithë kanë të drejtën për të marrë pjesë në ndërtimin e saj. Prandaj, i lutemi Zotit që të ndriçojë mendjet për të marrë vendimet e duhura dhe shpresojmë që lutjet e të drejtëve Perëndia do t’i dëgjojë”, u shpreh Kryepeshkopi Joan.
