Transporti publik në kryeqytet është pezulluar për ditën e sotme, pas tensioneve dhe protestave të dhunshme të zhvilluara në vend.
Mëngjesin e sotëm, drejtuesit e autobusëve janë paraqitur për të vijuar punën, por shërbimi nuk ka funksionuar normalisht, pasi disa mjete kanë mbetur të dëmtuara nga protestuesit.
Ndërkohë, autobusët e linjës së Kamzës kanë vijuar qarkullimin deri në zonën e Kthesës së Kamzës. Sipas parashikimeve, ditën e nesërme transporti publik në kryeqytet pritet të rikthehet në funksionim normal.
