Parlamenti i Lituanisë votoi në favor të heqjes së ndalimit kushtetues për armët bërthamore, në votimin e parë nga dy votimet që kërkohen për miratimin e ndryshimit. Kremlini reagoi duke deklaruar se kjo mund të shkaktojë një raund të ri përshkallëzimi.
Presidenti lituanez Gitanas Nausėda kishte deklaruar në korrik se partitë politike kishin rënë dakord për një plan për heqjen e ndalimit, një zhvillim që tregon se si Rusia po ndryshon situatën e sigurisë në rajon.
Ndryshimi kushtetues, për të cilin kërkohet një shumicë prej dy të tretash në dy votime në parlament që të hyjë në fuqi, parashikon heqjen e ndalimeve të miratuara më shumë se tre dekada më parë, pas shpërbërjes së Bashkimit Sovjetik.
Sot, 106 deputetë nga gjithsej 141 votuan në favor të ndryshimit. Votimi i dytë është planifikuar për 12 janar.
Lexo gjithashtu
Megjithatë, Nausėda theksoi se aktualisht nuk ka plane për ruajtjen e armëve bërthamore në Lituani, por heqja e ndalimit do t’i mundësojë vendit të ndërmarrë veprime nëse situata e sigurisë ndryshon.
Lituania do të vazhdojë të jetë palë e Traktatit për Mospërhapjen e Armëve Bërthamore, kishte theksuar ai në korrik.
