Gjykata Penale e Tiranës ka caktuar masën e sigurisë “detyrim paraqitjeje” për 10 protestues të ndaluar gjatë protestave në kryeqytet, duke e konsideruar të ligjshëm arrestimin e tyre.
Prokurorja e çështjes kërkoi si masë shtesë edhe ndalimin e qëndrimit të protestuesve pranë institucioneve dhe në zonat ku zhvillohen tubime. Gjykata nuk e pranoi këtë kërkesë.
Rastin e protestuesit të dhjetë e shqyrtoi një gjyqtare për të miturit. Bëhet fjalë për një 14-vjeçar, i cili kishte marrë pjesë në protestë dhe ishte shoqëruar nga policia. I mituri doli gjatë ditës para gjykatës për shqyrtimin e masës, ndërsa vendimi për të u përfshi në procedurat që lidhen me ndalimet pas protestës.
Me vendimin e gjykatës, 10 protestuesit do të jenë nën masën e sigurisë “detyrim paraqitjeje”, ndërsa kërkesa e prokurorisë për kufizimin e qëndrimit të tyre pranë institucioneve dhe zonave të protestave u rrëzua.
