Një shpërthim me lëndë plasëse është regjistruar pas mesnatës në qytetin e Lezhës. Sipas policisë, lënda plasëse dyshohet se i është vendosur një automjeti në pronësi të shtetasit A.N.
Ngjarja ka ndodhur rreth orës 01:50, në afërsi të zonës së njohur si “Mileniumi”. Nga shpërthimi nuk ka persona të lënduar, ndërsa automjeti ka pësuar dëmtime.
Grupi hetimor po punon për të sqaruar rrethanat e ngjarjes, për të dokumentuar rastin dhe për të identifikuar autorin ose autorët e dyshuar.
Njoftimi i policise:
Rreth orës 01:50, në një ambient parkimi (garazh), në afërsi të zonës së “Mileniumit”, në qytetin e Lezhës, dyshohet se ka shpërthyer lëndë plasëse në një automjet tip “Benz”, në pronësi të shtetasit A. N.
Lexo gjithashtu
Nga shpërthimi nuk ka persona të lënduar.
Grupi hetimor vijon veprimet për sqarimin e plotë të rrethanave të ngjarjes, si dhe për identifikimin dhe kapjen e autorit/autorëve.
