Në samitin e ardhshëm pritet të marrin pjesë disa drejtues të vendeve të Ballkanit dhe Evropës, si dhe përfaqësues të lartë të institucioneve evropiane, me fokus bashkëpunimin rajonal dhe procesin e integrimit në Bashkimin Evropian.
Të pranishëm do të jenë kryeministri i Kosovës, Albin Kurti, kryeministri i Maqedonisë së Veriut, Hristijan Mickoski, kryeministri i Kroacisë, Andrej Plenkoviç, si dhe kancelari austriak, Christian Stocker.
Samiti do të mbledhë gjithashtu zyrtarë të lartë evropianë, mes tyre ministrin e Jashtëm italian, Antonio Tajani, ministrin francez për Evropën, Benjamin Haddad, dhe komisioneren evropiane për Zgjerimin, Marta Kos.
Gjatë takimeve pritet të diskutohen bashkëpunimi rajonal dhe përparimi i vendeve të rajonit drejt anëtarësimit në Bashkimin Evropian.
Në kuadër të vizitës, komisionerja Marta Kos pritet të zhvillojë takime me presidentin e Malit të Zi, Jakov Milatoviç, dhe kryetarin e Kuvendit, Andrija Mandiç. Në fokus do të jenë rruga e Malit të Zi drejt BE-së dhe reformat e nevojshme për avancimin e procesit të integrimit.
Lexo gjithashtu
Në samit pritet të marrin pjesë edhe përfaqësues të Bankës Botërore, Bankës Evropiane të Investimeve dhe Bankës Evropiane për Rindërtim dhe Zhvillim.
