Situata u tensionua sërish këtë mbrëmje në Sheshin “Skënderbej” në Tiranë, ku gjatë përplasjeve mes protestuesve dhe forcave të rendit, një person ka rënë pa ndjenja.
Deri më tani nuk ka informacion të konfirmuar për gjendjen shëndetësore të personit të dëmtuar.
Pas incidentit, disa prej protestuesve janë afruar menjëherë për t’i dhënë ndihmën e parë.
Ngjarja ndodhi pasi protestuesit, të cilët më herët ishin shpërndarë nga policia në rrugicat dytësore të kryeqytetit, u mblodhën sërish në zonën e sheshit.
Për shpërndarjen e turmës, sipas raportimeve, policia ka përdorur ujë me presion, gaz lotsjellës dhe plumba gome. Ndërkohë, efektivët kanë vijuar lëvizjet në zonë dhe ndjekjen e protestuesve, me qëllim shoqërimin ose arrestimin e tyre.
