Një ngjarje e rëndë ka ndodhur sot në fshatin Greshicë të Mallakastrës, ku 76-vjeçar ka humbur jetën, pasi një zjarr që dyshohet se nisi gjatë djegies së mbeturinave doli jashtë kontrollit dhe përfshiu një sipërfaqe të mbjellë me ullinj.
Raportohet i moshuari me inicialet N. C. ishte duke djegur mbeturina kur, për shkak të erës, flakët u përhapën me shpejtësi në zonën përreth, duke përfshirë edhe ullishten.
76-vjeçari ka tentuar të shuajë zjarrin, por gjatë përpjekjes ka humbur jetën. Ngjarja është konfirmuar edhe nga burime zyrtare pranë Prefekturës së Qarkut Fier.
Autoritetet kanë nisur verifikimet për të dokumentuar rrethanat e plota të ngjarjes, ndërsa pritet të përcaktohen edhe shkaqet e vdekjes së 76-vjeçarit.
