Mazhoranca dhe opozita janë përplasur sot në Komisionin e Ligjeve në lidhje me Reformën Territoriale. Deputetët e opozitës, me në krye bashkëkryetarin e Komisionit për Reformën Territoriale, Luçiano Boçi, i kanë bërë thirrje mazhorancës që të ndjekë procedurën e duhur.
Boçi tha se duhet të shqyrtohet drafti i PS-së dhe më pas të kalohet në fazat e tjera të miratimit të kësaj reforme.
Po ashtu, deputeti demokrat tha se nisma e mazhorancës është edhe antikushtetuese.
Boçi: Këtu jemi dhe mbledhjen e kaluar bëmë debat për procedurën që duhet ndjekur nga PD. Kryetari grupit tuaj shprehej se propozimi i PD do ndjekë të njëjtën rrugë sikurse propozimi që ndjek PS. Edhe ju jeni për ndjekjen e kësaj rruge. Pas miratimit të kësaj faze të parë, të bashkohen, të merret marrja e mendimit nga këshilli bashkiak nga bashkitë që preken dhe të nisim me procedurat parlamentare. Vetëm kështu respektohet kushtetuta dhe ligji për vetëqeverisjen vendore. Nisma juaj antikushtetuese. Duhet të vinte me mendimin e popullatës. Para se të depozitohet nisma. Tani që e depozituat e quani fakt të kryer.
