Presidenti serb Aleksandar Vuçiç pritet të zyrtarizojë dorëheqjen mbrëmjen e sotme në një lëvizje të mirëmenduar që synon t’i mundësojë kalimin në postin e kryeministrit.
Në një postim këtë të diel, Vuçiç tha se kishte qenë nderi më i madh të ishte President i Serbisë.“U përpoqa të bëja më të mirën çdo ditë, të justifikoja besimin që më ishte dhënë dhe t’i shërbeja vendit tim me besnikëri dhe ndershmëri. Rroftë Serbia”, shkroi Vuçiç në llogarinë e tij në Instagram.
Kur u pyet për çfarë do të donte të mbahej mend në Presidencën e Serbisë, Vuçiç u përgjigj se do të donte të mbahej mend për përkushtimin dhe zellin e tij.“Do t’i kujtoni këto vite dhe këto ditë si kohën e progresit më të madh dhe sukseseve më të mëdha të Serbisë”, tha Vuçiç.
