“Prania Besnike”, Rama ndan detaje nga takimi me ministrat dhe drejtuesit politikë: Njerëzit të ndihen të qetë kur të vijnë të qajnë një hall

Kryeministri Edi Rama zhvilloi dje takimin e radhës me ministrat dhe drejtuesit politikë të qarqeve, në kuadër të nismës “Prania Besnike”.

Gjatë mbledhjes u raportua mbi takimet e zhvilluara me qytetarët, shqetësimet e ngritura prej tyre, si dhe detyrat e lëna për adresimin e problematikave.

Përmes një postimi në rrjetet sociale, Rama ndau një videokronikë nga takimi, duke e cilësuar atë si një mbledhje tashmë javore me drejtuesit politikë dhe ministrat.

“Mirëmëngjesi, dhe me këtë videokronikë nga mbledhja tashmë javore me drejtuesit politikë dhe ministrat, për raportimet dhe detyrat e ‘Pranisë Besnike’, ju uroj një ditë të mbarë”, shkruan Rama.

Lexo gjithashtu

Seanca në GJKKO, denoncimi i Ilir Metës: Po regjistrojnë bisedat e mia me avokatin në paraburgim

Rama përsërit ftesën për dialog me studentët, vendos sërish mesazhin “Dialog” para Kryeministrisë

Progres-Raporti i KE për Shqipërinë, reagon PD: Raporti konfirmon dështimet e qeverisë dhe cenimin e demokracisë

Takimi i ministrit Gogu me Veliajn, avokati: Erioni më dorëzoi sot shënimet, i publikojmë shpejt

Gjatë takimit, kryeministri theksoi se qytetarët që marrin pjesë në këto takime nuk duhet të ndihen nën presion për t’u ekspozuar publikisht.

“Njerëzit nuk vijnë aty as për t’u shfaqur në televizor ose në Instagram, madje as duke u identifikuar fare që ishin aty. Kjo do t’u japë mundësinë të gjithëve që të ndihen të qetë kur vijnë të qajnë një hall”, u shpreh Rama.